HITZEN UBERAN WEB ORRIREN AZALEAN NIRE ARTELAN BAT

Otsailaren 6an Hitzen Uberan web orriak bere azalerako nire artelan bat aukeratu zuen Oier Guillan artistaren poema baten zati batekin batera, nire artelanari ederki asko datorkiona.

Gustukoa izango duzuelakoan:

ERAKUSKETA BERRIA HONDARRIBIAN 2012.an

Datorren urtean, 2012ko maiatzaren 20etik ekainaren 2era, hain zuzen, Hondarribiako Modotti tailerrean (www.modottitailerra.com) erakusketa egiteko gonbita jaso dut eta baiezkoa eman dut. Inauguraketarako Jon Miner eta biok poema batzuk musikatzeko aukera aztertzen ari gara. Data hurbiltzen den einean izango duzue berri gehiago eta gonbitea ere.

Beste erakusketa bat egiteko ere aukera badut, Oreretako Xenpelar etxean, hain zuzen, baina oraindik konfirmatzeke dut.

Denbora badago, baina lanean hasi beharra dago...

ARTELAN BERRIEN AURKEZPENA

Hemen dituzu azken hilabeteetan burutu ditudan azken artelanak. Hemendik, lan hauetan guztietan lagundu didaten pertsonei eskerrak eman nahi dizkiet, Aitari, Jose Luis aitaginarrebari, Karmelo osabari eta Josuri. Ezin ahaztu ere Gurutze eta Kepa Katiuskak estudiokoak. Oraingoz lau artelan dira, baina aurrerantzean artelan gehiago aurkeztea espero dut.

Gustukoak izatea espero dut. 


Hona hemen lau artelanak:

Izena: Basaburua
Materiala: Lizarra
Neurriak: 50x15x20 zm.

Nafarroako Basaburua bailarako Arrarats herriko basoan aurkitutako adar zatia bat da. Kondairetan basoetako Basajauna gogoan izan dut eta artelan honi Basaburua izena jarri diot. Basoetako burua, basoetako nagusia irudikatu nahi izan baitut, itxura hori hartu bainion egur zati honi.

Izena: Oteizaren Hutsunea
Materiala: DM
Neurriak: 20x20x20 zm.

Jorge Oteiza eskulturgile handiari gorazarre egiten dion artelana. Oteizak berak hainbat lanetan eginiko kaxa hutsak gogorarazten duen pieza dugu hau.

Izena: Itsasorantz
Materiala: Haritza eta arbela
Neurriak: 20x20 zm.

Itsasorantz doan erreka irudikatu nahi izan dut artelan honetan. Kutsaduraz gainezka itsasorantz doan erreka beltz eta iluna.

Izena: Bertsolariak
Materiala: Gaztainondoa eta arbela
Neurriak: 20x20 zm.

Artelan honekin bertsolariak omendu nahi izan ditut. Garai batekoak eta oraingoak, guztiak ahaztu gabe. Lan honek hainbat ikuspegi ditu, batetik, bertsolari bat mikroaren aurrean ikus daiteke, edota beste ikuspegi batetik bi bertsolari aurrez aurrez ikus daiteke eta azkenik agian baten batek bertsolarien eskuak ikus ditzake, bertsoaren neurriak kontatzen. Zuk zer ikusten duzu?

MARTXAN DA NIRE WEB BERRITUA

Nire Web orria berritu dudala adierazi nahi dut, aurrekoan berritze lanetan ari ginela aipatu nuen eta oraingoan web orri berritua martxan dagoela jakin arazi nahi dizuet.
Web berria "Katiuskak" argazki estudioko Gurutzek disenaitu dit eta argazki batzuk berriz Kepak eginikoak dira, beste argazki batzuk Iñigo Arizmendik eginikoak dira. Nire bibliografiari inguruko testuan Joan Mari Irigoinen laguntza izan dut, bermoldaketa batzuk egin baitizkit, baita arte lan bateko poema batean ere.

Hemendik web orria egiten lagundu didaten pertsona guztiak eskertu nahiko nituzke. Mila esker zuen laguntzagatik!

Gustukoa izango duzuelakoan nago, helbidea lehengoko bera da:

www.inigosusperregi.com

LASTER WEB BERRITUA MARTXAN

Duela bost urte munduari egurrarekin eginiko artelanak erakusteko asmoz jarri nuen martxan nire web orria www.inigosusperregi.com Harrez geroztik artelan gehiago egin ditut eta hauek ere web orrian sartu behar nituela profitatuz orain arteko web orria goitik behera aldatzea erabaki dut.

Web berria "Katiuskak" argazki estudioko Gurutzek disenaitu dit eta laster martxan izango dugu. Argazkiak berriz Kepak eginikoak dira.

Bitartean hemen uzten dizuet bertan agertuko diren argazki batzuk eta web orriaren sarrera izango dena.

Web orriak izango duen sarrera:

Web orrian agertuko diren argazkietako batzuk:




Erakusketen atalean agertuko diren argazki batzuk:

2006an Mikelazulon egindakoa:

2006an Lakoak landetxean, Garinoainen egindakoa:

OTEIZARI GORAZARRE EGINGO DION LANAREN ARRERAPENA

Hemen duzue, nire artelan berri baten zirriboa. Egitasmoa da oraindik ere. Ohartuko zarten bezala Oteizaren kutxen antza du, izan ere, lan honekin Oteizari gorazarre egin nahi diot eta "Oteizaren hutsunea" edota "Oteizaren espazio hutsa" izendatuko dut.

Erabilitako materiala DMa da, egur prentsatuz eginiko materiala dugu. Esan bezala bukatu gabe dago, alde guztiak lotu ondoren beltzez margotuko dut eta bukatzean jarriko dizuet azken emaitza.

Gustukoa izango duzulakoan, hona pieza berriaren argazki sorta bat.

1.- Horrelako 6 pieza erosi eta ondoren hauei forma eman.


2.- Artelanak hainbat ikuspuntutik izango duen itxura.

ARGAZKI BERRIAK

Orain arte ikusgai zeuden artelanen argazkiak berriengatik aldatu ditut. Aurrekoak nik eginikoak ziren eta oraingoak berriz Katiuskak estudioko Kepak eginikoak dira. Ikustekoa da aldea, ezta?
Hurrengo pausua nire web orrialdea eraberritzea izango da eta estudio berean egingo didate, Gurutzek, hain zuzen, ea laster honen berri ematen dudan.

"OREKA" LANAREN AURKEZPENA ETA LANKETA PROZESUA

Hemen aurkezten dut "Oreka" izeneko azken lana nahiz lanketa prozesua. Erabilitako gaiak burnia eta haritza dira. Lehenik, bi burni piezekin jolasten aritu nintzen artelanak zein forma izango zuen zehazteko. Behin forma erabakita bi zatiak soldatu zidan osabak. Ondoren haritz zatian finkatu eta biak margotu nahiz tintatu nituen, hau guztia amaiturik dagoenean sikatzen utzi eta lana amaiturik dago.

Ohartuko zineten bezala lehen aldia da egurra albo batera uzten dudala lan bat egiteko orduan, ez pentsa, ordea, zura alboratuko dudanik. Burniak aukera handiak ematen ditu, batez ere formen arloan, baina nire ustez, zurak indar gehiago du, burniak baino sendotasun handiagoa ematen dio lanari.

Lanari izen bat aurkitzeko orduan ez zitzaidan bat bera ere bururatzen, galdurik nengoen, hala nola kasualitatez asko estimatzen dudan pertsona bati lanaren argazkia bidali nion esklusiba modura eta nire kezka agertu nion, berak eman zidan izena, Oreka. Honen azalpena ezkatu nion eta hauxe eman zidan:

"Oreka. Gizakia munduratua izaten da; jaiotzerakoan mundu zabal eta arrotzean aurkitzen gara. Geure buruak oreka behar du. Ari bat gara, eta orekaren beharra dugu. Burniak espazioan oreka marrazten du." Juan Ramon Makuso. (Filosofoa. Poeta)

Uste dut bete betean asmatu duela artelan honi azalpena eta izena ematen. Txoko honetatik eskertu nahi dut Juanra, bere ekarpenagatik. Esan daiteke bion arteko emaitza dela lan hau.

Gustukoa izango delakoan, hona lanketaren argazki sorta bat.

1.- Burni piezak eta artelanak izango duen itxura.

2.-Soldadura lanak.

3.- "Oreka"ren azken itxura, soldeatu eta pintatu ostean.

AURREKO LANAREN ARGAZKI BERRI BAT

Aurkeztutako azken lana ia amaiturik dut, soilik tintatzea falta zait. Argazki honen bidez ikus dezakezue zein itxura izango duen. Artelana amaiturik dudanean jarriko ditut argazki (kalitate hobeagorarekin) berriak eta jakitera emango dizuet lanaren izena ere. Bitartean argazki honekin konformatu beharko duzue.

BESTE ARTELAN BATEN AURRERAPENA

Hemen duzue, nire artelan berri bat. Egitasmoa da oraindik ere, izenbururik ez duena, baina aurrekoarekin zerikusia izango duena. Hau ere Basaburua bailarako basoetako batean aurkitutakoa da. Pagoa dela esan beharra dago.

Esan aurrekoak eta honek BASA hitza izango dutela ardatz izendatzeko orduan. Izan ere, euskal mitologian oinarrituko naiz azken bi artelan hauek izendatzerakoan. Bada hirugarren bat ere baina argazkiak atera behar dizkiot eta nola ez landu ere, azken hauek bezelaxe. Hirurek izango dute euskal mitologia ardatz!

Gustukoa izango duzulakoan, hona pieza berriaren argazki sorta bat.